«Саскавий» у вашлиймашым эртара!

22 майыште 16 шагатлан Т.Евсеев лӱмеш республикысе тоштерыште (Йошкар-Ола) «Саскавий» марий ӱдырамаш ушем «Пӱртӱс эмла» теме дене йыргешке ӱстелым эртара.
Йыргешке ӱстелым вӱда Роза Платоновна Четкарёва — медицине наука кандидат, Марий кугыжаныш университетын туныктышыжо, Российысе естествознаний академийын профессорже, Марий Эл Республикысе шанчын сулло деятельже; кӱшыл шинчымашын шӧртньӧ медальже дене палемдалтын. Тений тудлан 75 ий темын.
«Пӱртӱс эмла» вашлиймаш годым майыште-июньыште могай эм шудым да кузе погымо нерген мутланаш тӱҥалына. Тыгак чай шудымат шолташ тунемына да тамленат ончена.
Касым мурызо-влак Анфиса Эманова ден Любовь Купцольцева сӧрастарат.
Чыландамат пагален ӱжына!!!

Автор: Эльвира Куклина

Добавить комментарий