Японий гыч увер

Японий национальный полицейский управленийын уверже почеш, мланде чытырналтме да кугу вӱдтолкын деч 4314 еҥ колен, 2285 сусыргеныт да 8606 еҥ увер деч посна йомшылан шотлалтеш. Еҥ-влакым утарыме службышто тыге ойлат: увер деч посна йомшо-влак, очыни, кызыт марте илыше кодын огытыл.

Тыгодым теҥыз воктен кундемылаште илыше ятыр тӱжем еҥ дене кыл кызытат уке. Японийын административный паша шотышто да коммуникаций министерстве тыгай уверым луктын: элыште 100 тӱжем наре пӧрт локтылалтын, 6300 зданий йӧршын шаланен. Элын йӱдвел-эрвел ужашыштыже 850 тӱжем пӧртыштӧ кызытат электротул уке. Эҥгекыш логалше район-влак гыч 446 ттӱжем еҥым вес кундемыш кусарыме. Касвел эксперт-влакын шотлен лукмышт почеш, Японийын экономикыжлан 187 миллиард доллараш эҥгек ышталтын.

Валерий Очеев

Добавить комментарий