Спортым йӧратыше ӱдыр…

Советский районысо Кукмарий школын тунемшыже Виктория Кузнецова кудымшо классыште тунемеш. Чулым койыш-шоктышан ӱдыр тыршен тунемеш, спорт дене пеҥгыде кылым куча. Поснак, ече дене талын куржталеш да тугакшат пеш чолга ӱдыр. Викан ешыжак спортивный манам гын, йоҥылыш ом лий шонем. «Спорт дене авам, ачам изам кылым кучат. Мыйымат спорт деке шӱмаҥденыт», — манеш ӱдыр. Кеҥежым пӱртӱсыштӧ куржталаш, а телым ече дене таҥасаш пеш йӧрата. Мутат уке, кеч куштат сеҥыше лияш йӧсӧ. «Кумыл лиеш гын, чылажат лиеш, чыла йӧсылыкым сеҥен лекташ лиеш», — шуя шке мутшым Виктория. Кузнецовмыт еш 2011 ийыште, Йошкар Олаште ялысе Всероссийский таҥасымашышке каяшлан конкурсышто икымше верым налыныт. Тидын деч вара Кузнецовмыт ешышке куан увер толын – нуно Марий Элын чапшым Красноярский крайыште аралаш тӱҥалыт. Латик еш гыч Кузнецовмыт индешымше лийыныт. «Тиде пеш удажак огыл. Умбакыжат тыгай таҥасымашыш кайынем», — ойла ӱдыр. Школышто Вика утларакшым физкультурым, математикым, историйым йӧрата. «Чыла туныктышо-влакат келшат, но эн утларакше Сомин Алексей Андреевич чонлан лишыл», — куанлын пелешта Виктория. Чынжымак, Алексей Андреевич кажне тунемшыжым шке йочаж семын пагала, йӧрата да эреак полшен шога. Коеш, ӱдыр пеш спортым йӧрата. Тудын шонымаште спорт чыла вере кӱлеш лиеш. «Спорт дене пырля илаш тӱҥалам», — пеҥгыдын ойла Виктория. Мемнан лудшо-влаклан Виктория спорт дене илаш тылана. Чынжымак, спорт илышыште эре кӱлеш.

Увер йолва

Добавить комментарий