Ышташ туге – кузе кӱлеш…

— Пагалыме Михаил Зиновьевич, Тендам уло Марий Эл министр семын пала, эше илышкорныда дене палдареда ыле?
— Курыкмарий районын Микряково селаште 1959 ийыште 16 июньышто шочынам. 1981 ийыште Озаҥысе Кугыжаныш тӱвыра институтым клуб пашан методист – организаторжо специальность дене пытаренам. 1992 ийыште Российысе сымыктыш, тӱвыра да туризм пашаеҥ – влакым ямдылыме институтышто тӱвыра да сымыктыш пашалан менеджер специальностьым налынам. 1994 ийыште Российысе сымыктыш, тӱвыра да туризм пашаеҥ – влакын шинчымашыштым келгынрак пуышо академийым пытаренам.
— Институтым пытарымекыда кушто пашам ыштенда?
— МАССР тӱвыра Министерстве пеленсе Республикысе шанче да методике рӱдерыште калык, ушсаска да культпросвет пашаште методике да социологий шанче пöлкам вуйлатенам, директорын алмаштышыже, вара директорлан 1981 – 1989 ийлаште ыштенам; Йошкар-Ола горисполкомышто тӱвыра пöлкам вуйлатыше (1990 – 1997); Марий Эл Республикын тӱвыра, печать да калык-влакын пашашт шотышто министр (1997ий гыч); 2002 ий гыч Марий Эл Республике Виктер вуйлатышын алмаштышыже. Тыгак Российысе финн – угор калык Ассоциаций председательын алмаштышыже улам.
— Тыгай кугу кӱкшытыштö пеш шуко пашам наҥгаеда. Икмынярыжым ала ончыктеда ыле?
— Республикысе виктер вуйлатышын ойжо почеш «Культура села», «Художественное образование», «Развитие этнокультурных и межнациональных отношений в Республике Марий Эл» (2004 – 2008 гг.) программым ямдыленна. Марий Эл Республикыште лӱмын ыштыме программе – влак писын шындаралтыт, кугыжаныш заказчикше Марий Эл Республикын тӱвыра, печать да калык – влакын пашашт шотышто Министерствыже улеш:
— «Этнокультурное развитие Республики Марий Эл (2009 – 2013 годы);
— «Культурное наследие Республики Марий Эл на 2009 – 2013 годы»;
— «Культура Марий Эл на 2009 – 2013 годы»;
— «Развитие средств массовой информации и книгоиздания в Республике Марий Эл на 2009 – 2013 годы»;
— «Сохранение нематериального культурного наследия народов, проживающих в Республике Марий Эл, 2011 – 2013 годы».
Кызыт «Культура Марий Эл (2013 – 2020 годы)» да «Реализация государственной национальной политики в Республике Марий Эл (2013 – 2020 годы)» кугыжаныш программе – влак ямдылалтыт. Марий кугыжаныш университетыште тӱвыра факультетым почынна. Республикысе марий сымыктыш да тӱвыра колледжыште «Искусство эстрады», «Хореографическое искусство» отделенийым, кум йоча самыктыш школым, республикыште кум калыкле (национальный) рӱдерым – марий, руш да татар тӱвыра дене кылдалтшым, Республикысе шке кид дене ыштылме ушпаша (декоративно – прикладного творчества) студийым почынна.
Казаньысе, Москвасе, Санкт – Петербург оласе кӱшыл сылнысем сымыктыш да вес туныктымо тӱвыра тöнеж дене кылым ыштымаште активнын участвоватлена.
Кугу тӱткышым профессионал сымыктышлан ойырена: 2001 ийыште Республикысе курыкмарий драме театрым почмо, Марий самырык театр – М. Шкетан лӱмеш Марий кугыжаныш театрын филиалже, у тӱвыра пöртыш куснен. У спектакль – влакым шындаш оксат утларак ойыралтеш.
Финн – угор калык театр – влакын Тӱҥямбал «Майатул» фестивальым республикыштына эртарымаш традицийыш пурен, тыгак кажне ийын опер да балет сымыктышын «Зимние вечера» фестивальже, Юлкундем федерал округын «Театральное студенчество» туныктымо тöнежласе театр отделений – влакын фестиваль – лабораторийышт, тӱрлö калык кострюмым ончыктышо Россий кöргö фестиваль эртаралтеш.
— Суапле пашадам Кугыжаныш палемден?
Награде, званий-влак нерген рушла каласкалена. Заслуженный работник культуры Республики Марий Эл и Российской Федерации. Награжден Почетной грамотой правительства Республики Марий Эл. За заслуги в деле сохранения и преумножения историко – культурного и природного наследия народов России и был награжден медалью Российского союза исторических городов и регионов (2002).
Почетная грамота Правительства Республики Марий Эл (2000), благодарности Президента Республики Марий Эл (2003, 2005), благодарности Министерства культуры и массовых коммуникаций Российской Федерации за плодотворный труд и личный вклад в сохранение и развитие искусства (2002 – 2005). Медаль Российского Союза исторических городов и регионов (2002) за особые заслуги в деле сохранения и преумножения историко – культурного и природного наследия народов России, медаль за заслуги по проведению Всероссийской переписи населения (2002), памятная медаль Общероссийской общественной организации «Российская муниципальная академия» — «К столетию М.А. Шолохова» (2005), орден «За заслуги перед Марий Эл» II степени (2007), орден «За обустройство Земли Российской» II степени (2008).
— Ешда дене палымым ыштеда?
— Пелашем – Любовь Владимировна Васютина, С. Г. Чавайн лӱмеш Национальный библиотеке директорын алмаштышыжлан ыштен, кызыт сулен налме канышыште. Эргым – влак: Илья – авиаконструктор, Семен – инженер.
— Пеш кугу тау, пагалыме Михаил Зиновьевич, жапым муын, каласкалымыланда. Пашада умбакыжат ушнен шогыжо.

Дмитрий Калягин мутланен

Добавить комментарий