Автобус-влак маршрутыш лектыт мо?

Марий Элыште эн шокшо увер-влак коклашке «Пассажирские перевозки» автотранспорт предприятийын забастовкыжо логалын. Автобус-влак маршрутыш кумшо арня огыт лек. Профком председатель Сергей Царегородцевын мутшо почеш, тудын кунам мучашлалтмыже эше пале огыл, но нуным шижтареныт – кызытсе АТП олмеш вес ООО лиеш, кызытсе маршрут-влакым шагалемдат, нуныжымат частник-влак коклаште шеледат. Виктер вуйлатышыже Леонид Маркеловат тидын шотышто шке мутшым ойлен. «Рейс-влакым ме арален кодена, – ойлен тудо, – предприятийын парымжым шӧраш да пашадарым тӱлашат оксам муына. Тудын собственностьшым ужалаш огына пу. Шушаш ийыште автопаркым уэмдаш тӱҥалына. Тыште проблеме шуко, но нуным пикет гоч решатлаш тӧчыман огыл». – Умбакыже тышке шогалтыме у директор деч шогаш тӱҥалеш, – ешарен республикым вуйлатыше.

Марий Эл Радио

Добавить комментарий