«Марий wiki-толкын вияҥеш, но…»

Мо тугай Википедий, чылан паледа, очыни. Википедий – тиде эрыкан энциклопедий, тудым ондак англичан йылме дене возаш тӱҥалыныт гын, кызыт марий йылме дене гына кок Википедий уло: олык марий – mhr.wikipedia.org да курыкмарий – mrj.wikipedia.org.

Курыкмарий Википедий Марий Википедий деч варарак лектын гынат, тудо таче кечылан лаштык шукылык дене (чылажге 5119 лаштык уло) олык марий википедийым (чылажге 4007 лаштык уло) ончылтен каен. Варажым ме могайрак Википедийыште калык шкенжым чолгаракын ончыкта ончална. Тыште гын, вес сӱре палдырна Марий Википедийыште улшо палдаланыше-влак шукырак тӧрлатымашым ыштылыт. Ала Курыкмарий Википедийым теменыт, шоналтышна? Уке, Википедийым нигунам темаш огеш лий, тушко кажне кечын оҥай уверым, материалым пуртен шогыман.

Википедий – тиде калыкын (нацийын) ончыкылык тукымжылан возен кодымо тӱрыс шинчымашыже, историйже. Ме ончыкылык тукымланна мом кодена?! Сандене, Марий, Курыкмарий Википедийышке шукырак лаштыкым, пайдале уверым ешараш йодына. Тачысе кечылан Википедийыште шуко увер уло, но марий калыклан тиде йӧрышаш огыл. Йолташ, кумылет уло гын, тыят Википедийым пойдарен кертат. У теме почеш материалым савыкташ але савыктыме материалым тӧрлаташ тылат йӧн пуалтеш.
Википедийым вияҥдаш марий йылмым палыше-влак кӱлыт, садлан лӱдде пашаш ушно: улшо текст-влакым тӧрлo, шкеат возо. Шуко возышо-влак дене Википедий поянрак лиеш.

Ушештарена, тыгай тергымашым: Википедийыште кӧ чолгаракын шкенжым ончыкта? ме икымше гына тергенна ыле, тунам Курыкмарий Википедий ончыко лектын ыле. Ончыкыжымат Википедий лаштык-влакым ончаш тӱҥалына.

Увер йолва

Добавить комментарий