Чавайнын шочмо кечыжлан пӧлеклалтын

С.Г. Чавайнын 125 ий шочмо кечыжым шарнен, Моркышто тӱнямбал шанче-практик конференций эртаралтын. Ты конференцийыш Моско гыч Писатель ушемын еҥже Николай Стародымов толын. Тыгак тушто пошкудо республикла Татарстан да Чуваший гыч уна-влак, МарКУ-н да В.М. Васильев лӱмеш МарНИИЯЛИ-н шанче пашаеҥ-влак лийыныт.

Конференцийым саламмут дене Марий Эл Виктер председательын алмаштышыже, тӱвыра, печать да калык-влакын пашашт шотышто министр Михаил Васютин, Марий Эл Кугыжаныш Погын вуйлатышын алмаштышыже, Марий Оньыжа Анатолий Иванов, образований да шанче министрын алмаштышыже Александр Иванов,  Морко муниципал район администрацийым вуйлатыше Сергей Григорьев почыныт.

Конференцийыште ныл секций пашам ыштен. Тыште Чавайнын сылнымутшо да финн-угор литератур, Урал-Юл кундемысе сылнымут кышкарыште Сергей Чавайн, писательын серымыже да Урал-Юл кундемысе калык ойпого, Чавайнын сылнымутшым вузышто да школышто туныктымаш йодыш-влак ончалтыныт. Чылаже 90 наре доклад йоҥген.

Марий тӱвыра рӱдер

Добавить комментарий