Арын школышто район кӱкшытан семинар эртен

Шукерте огыл Морко районысо Арын школышто район кӱкшытан семинар эртен. Тушко школ директорын полышкалышыже ден физкультурым туныктышо-влак погыненыт. Ты семинарыште школышто тазалыкым аралыме технологийым кучылтмо шотышто йодышым нӧлталыныт.

Тӱҥалтышлан уна-влакым школын эртыше илыш корныж дене палдареныт. Ты школым тунем лекше, кумдан палыме спортсменже-влак нерген шкешотан кроссвордым тӱшка вий дене решатленыт. Варажым школыш каяш ямдылалтше-влак дене открытый урокым ончыктеныт. Урок деч вара «Салтак-влак сарлан огыл шочыт» тӱшка мероприятийыш погыненыт. Мучашлан актовый залыште семинарын пашажым лончыленыт.

Валерий Очеев

Добавить комментарий