Google Summer of Code 2013

Эрыкан программе вораҥдыш тӱням саемда да ончыкылыкым чоҥа.

Полшынет?

Google Summer of CodeTM-ыш 6000 утла студент да 300 утла эрыкан тӱҥалтыш код дене проект иктыш ушненыт, тӱжем-тӱмесыр код корным возымо. Проект вуйлатыше ден студент-влакым Summer of Code 2013-ым эше сайракым ышташ ӱжына!

Google Summer of Code программе студент-влакым эрыкан кодым возаш кумылаҥдаш 2005 ийыште ышталтын. Программын тӱҥ шонымашыже:
• Самырык-влакым эрыкан кодым возымо деке шӱмаҥдымаш
• Компьютер да тудын деке лишке специальностьлан тунемше студент-влаклан кеҥеж жапыште ончыкылык профессий дене пашам ышташ йӧным пуаш
• Программе вораҥдышым илышлан келшен толшо йӧным кучылтын ыштымаш дене палдарымаш (мутлан, рӱдыдымӧ паша йӧн, лицензийлымаш йодыш-влак, электрон серышлаште этикет да т.м.)
• Иктежле суап верчын эрыкан кодан проект чотым кугемдымаш
• Эрыкан кодан проектлаш у ыштызе-влакым ушымаш

Ойырен налме студент-влак кум тылзе жапыште шке проектшым шукташ тӱҥалыт, да проект мучашлымек кажныжым 5000 USD кугытан стипендий вуча. Summer of Code тӱрыснек онлайн эртаралтеш. Программын шуйнымо жапыштыже 100 утла эл гыч студент да проект вуйлатыше-влак тыршеныт.

Проект-влак деч йодмашым 2013 ий ӱярня тылзын 18 гыч 29 кечыже марте колтыман.

Студент-влак деч йодмашым 2013 ий вӱдшор тылзын 22 кечыже гыч ага тылзын 3 кечыже марте вучат.

Кузе йодмашым пуаш, проектлаш ушнаш — чыла тиде нерген рашемдымашым (эн тӱҥжӧ — футболко нерген) http://www.google-melange.com вотлаштыкыш гоч ышташ лиеш.

Добавить комментарий