Марий кугыжаныш университетысе студент-влак США гыч толшо туныктышо дене вашлийыныт

Марий кугыжаныш университетысе тӱнямбал кыл факультетын «Кусарымаш да кусарыме наука» специальность дене тунемше 3-5 курсласе студентше-влак США гыч толшо туныктышо Дилан Дэшоу дене вашлийыныт.

Тудо англичан йылмым вӱда, сандене мӱндыр уна тиде йылмын литературный ден кутырымо ойыртемжым рашемден, фонетика, лексика да синтаксис кӱкшыт гыч лончылен ончыктен. Господин Дэшоу мемнан элыште, тидын шотыштак Марий кугыжаныш университетыште, йот йылмым туныктымаште сай сеҥымашыш шумым палемден. Молан манаш гын, мыняр студент дене вашлийын кутырен – чыланат англичан йылмым моштен кучылтыныт. Дилан Дэшоу тӱнямбал кыл факультетын студентше-влакын шуко йодышыштлан вашештен да мемнан мутланымынам океан вес могырыштат умылышт манын, диалект ойыртем дене палдарен.

Валерий Очеев

Добавить комментарий