Озаҥыште марла чот куштеныт!

4 декабрьыште Озаҥ олаште Марий дискотеке эртен. Тудым верысе марий национал-культур автономийын самырык пӧлкаже эртарен. Дискотеке оласе эн шергакан каныме вер кокла гыч ик эн чапле — «Out-hall»-ште лийын. Касым вӱдышӧ Рауль Гарифуллин да кумдан палыме «Каче-влак» группо сӧрастареныт. Нунылан Йогурт да Митяй ди-джей-влак полшеныт. Калык ятыр погынен: самырыкшат, илалшыжат. Нуно Озаҥ гыч веле огыл, вес районла гычат миеныт. Эн шукыжо Волжск, Арск (Татарстан кундем), Морко район гыч лийыныт. Дискотекыште «Лай мардеж» ансамбль шке мастарлыкшым ончыктен.

Кугу таум самырык организатор группылан: Василий Шамеевлан, Олег Давыдовлан, Софья Шарабуевалан, Елена Александровалан, Артём Ишмурзинлан, Галина Алжиковалан, Надежда Макаровалан (самырык ушемын вуйлатышыже) каласена. Посна таум мемнан спонсорналан – «Улица строителей» компанийын генеральный директоржылан – Наталья Кукушкиналан каласена.
Йолташ-влак, тау толмыланда!!! Чот куштышна вет!!! Марий улына вет?

Надежда Макарова,
Озаҥысе марий-влакын самырык пӧлкажым вуйлатышыже

Василий Шамеевын шочмо кечыж лӱмеш "Каче-влак" дене пырля мурымаш пӧлеклалтын )))
Василий Шамеевын шочмо кечыж лӱмеш "Каче-влак" дене пырля мурымаш пӧлеклалтын )))
Озаҥысе марий ушемын вуйлатышыже Людмила Мусихина да правленийын членже Тамара Малькова
Озаҥысе марий ушемын вуйлатышыже Людмила Мусихина да правленийын членже Тамара Малькова
пурлаште - Наталья Кукушкина
пурлаште - Наталья Кукушкина

«Out-hall»-ште

Добавить комментарий