Вургемыште возымо шкендычым ончыкта

Тачысе марий самырыкын чиен коштмо вургемжым шергал лекташ гын, икмынярым раш ойыраш лиеш – джинсе, тувыр, йолчием, юбке, футболке да тулеч моло. Чӱчкыдынрак тӱжвал вургемыште тӱрлӧ-тӱрлӧ возымым ужаш лиеш. Ты возымо почеш оза нерген икымше шонымаш лектеш: ийготшым пален налаш лиеш, молан кумылаҥмыжым, могай калыкын икшыве улмыжым. Туге гынат, ятыр самырык вургемыште мом возымым раш ок умыло гынат, садак чиен коштеш. Молан манаш гын, самырык коклаште кызыт тыгай мода, шукыж годым возымыжат чевер коеш, але вес амал денат нуно чиен коштыт. Чылан палат, ты мода да шуко молат мемнан элыш Европа гыч толеш. Тушто самырык шке койышыжлан келшен толшо возымашым ойырен налеш. Тыгай сынан футболкым Рушэлын рӱдӧолаштыже ятыр ужаш лиеш, мемнан деке толын веле шуэш. Эркын толмын тӱҥ амалже – тиде англичан йылмым палыдымаш.
Иктаж-мом калыклан ойлынена гын, вургемыште возымо гочат, мутат уке ме ты возымым умылышаш улына да вашмутым пуэн моштышаш улына. Молан манаш гын, чийыме вургемын ме шке озаже улына.
Марий Элыште ятыр возыман вургемым руш (Трезвый), анличан (Help yourself) да марий йылме дене (Марий улам) ужаш лиеш. Туге гынат нунын кокла гыч англичан йылме дене возалтме футболка койын ойыртемалтеш. Молан манаш гын, чын англ йылме дене возмо «MADE TO LOVE MARI EL» (Марий Элым йӧраташ ышталтынам) модо пелен кугу кӱкшытан креативым ончыкта. Тиде чыла куандара: наклейке дене огыл, а шелкографий технологий почеш возымашым йылт хлопокан футболкыш чиялтыме, вет тыге кужурак жаплан чытышаш. Тыгай сай качестван футболкым Йошкар-Олаште Марий сувенирын кевытлаштыже (- Первомайский урем, 115, ТЦ пазар, 2-шо пачаш;
— Сеҥымашын бульварыштыже 13 пӧрт дене;
— Советский урем 174 пӧрт дене, «Вокзал» остановке;
— К/корно вокзалын вучымо пӧлемыштыже;
— Чавайн буьварыште 33 пӧрт, «Грант Сити»;
— Кремлевский урем 19 пӧрт, ТЦ «21 курым»;
— Карл Маркс урем, 109 пӧрт, «Турист» унагудо) да Энсайын кевытлаштыже муаш лиеш
(- Оболен-Ноготков пл. ТЦ «Галерея» 1 пачаш;
— Гагарин урем, 13 пӧрт «Космос» кевыт;
— Первомайский урем 113 пӧрт, ТЦ «Дом торговли» 2 пачаш).

Тыгак «Ноутбук центр» кевытыште: Первомайский урем, 107.
Вургемыште возымым раш умылман да чиен лекме деч ончыч мо ончыктымыжым пален налман.

Добавить комментарий