Пытартыш делегат

Таче 7-ше апрельыште Марий Эл Республикын рӱдӧолаштыже шушаш Марий Погынышко самырык-влак деч пытартыш делегатым сайлышт. Тыгай погынымаш Марий Элын кажне кундемыштыже, Рушэлын ятыр олалаштыже, Украиныште да Эстонийыште эртен. Тачысе погынымашке 81 самырк еҥ толын ыле.

Регистрацийым утларакшым Финно-угровед Институтын тунемшыже, тыгакак ВиАр-ын, Рвезылыкын да У Вийын икмыняр активистше эртен. Шке семын толшо самырык икте-кокто веле ыле. Погынымашым Мер Каҥашын вуйлатышыже Л.Н. Яковлева ден вуйлатышын алмаштышыже В.Мочаев вӱден. IX-ше Марий Погын Оргкомитетын вуйлатышыже тӱвыра, печать да национальность паша шотышто министр М.З.Васютин погынымашым почын.
Самырык-влак 33 кандитатым темлен, сайлымашке куснышт. 80 еҥ шке йӱкшым пуэн, 17 делегатым ойырен налын.
Ӱшанен кодына, нуно марий калыклан иктаж пайдам конден кертыт.

Николай Чемеков
Йошкар-Ола

Добавить комментарий