Эх, ӱян мелнат да ӱдыр тӱрвет!

Тений марий Ӱярня 25 февральыште Советский районысо Ӱшнур ялыште лиеш. Пайремышке тӱрлӧ кундем гыч фольклор ансамбль-влак унала толыт: «Какшан сем» (Оршанке район), «Эрвий» (У Торъял), «Весела кумыл» (Медведево), «Ший аршаш» (Кужэҥер), «Чон оҥгыр» (Йошкар-Ола). Советский районын фольклор ансамбльже-влак Ӱярня пайремыште марий йӱлам ончыктат. Нунын коклаште – Советский посёлко гыч «Кугезе кумыл», Кукмарий ялын «Весела кумыл», Кельмаксолан «Муро аршаш», Кужмарийын «Эр ӱжара», Михайловка селан «Лыжга сем» ансамбльже-влак. Уна-влакым «Модыш мешак» тӱрлӧ калык модыш, ӱчашымаш, конкурс-влак дене модыкта, ӱярня курыкышто чапле ече, издер, калай волак ден ӱчашен мунчалташ тарата. Сеҥыше-влакым ӱярня пӧлек куандара. Мучашлан фольклор ансамбль-влак пайрем концертым ончыктат. Ӱярня пайремыш кажне марий еҥым пагален ӱжыт! Тамле марий мелнам кочнет гын, йолташет, пошкудетым намие. ӧрын ит шого, муро, кушто, курык гыч мунчалте. Шкетын улат гын, чолгарак лий – пелашым муат.

Добавить комментарий