Юмыйӱла ушем леведышым муын

Марий юмыйӱла ушемын У Торъял кундемысе пӧлкаже посёлкышто паша пӧлемым почын.

Тудо ончычсо СПТУ-н оралтыштыже верланен. Ӱярня пайрем годым Россий Кугыжаныш Думын депутатше, Мер Каҥаш председатель Л.Яковлева У Торъял кундемышке толын да юмыйӱла ушемын пӧлемыштыже лийын.

70 квадрат метр кумдыкым ушемын еҥже-влак чаплын ачален шынденыт. Ончыкыжым тыште карт-влак,  чумырген, шке пашаштым ворандараш тӱҥалыт. Ты марте онаеҥ-влак толшо родым, унам эре мӧҥ-гыштышт онченыт гын, ынде тыште вашлияш чыла йӧн лиеш.

— Тиде паша верна моло офис семынак лийшаш, пашалан кӱлеш оргтехникым вераҥдена, — ойла У Торъял кундемысе онаеҥ Василий Гаврилович Блинов. — Мер калык тышке толын, марий шӱлышым шижше манын тыршаш тӱҥалына.

З.Глушкова

Снимкыште:  Лариса Яковлева ушемын пашаж нерген мутлана

Д.Речкинын фотожо

Добавить комментарий