Ялысе-влакат чолга улыт

Йошкар-Оласе 21-ше школын бассейныштыже судомодельный спорт дене 46-шо таҥасымаш эртен. Тышке шке ыштыме модельыштым Йошкар-Ола да Козьмодемьянск, Советский ден Марий Турек район-влак гыч моделист-влак конденыт ыле. Районысо школлаште тунемше-влакынат мастарлыкышт кажне ийын ешаралтеш. Теве команде-влак коклаште Марий Турек районысо Йоча усталык пӧртын рвезыже-влак кокымшо лийыныт. Андрей Кокин электродвигателян модельже дене да вӱдйымал пуш-влак коклаште кумшо верыш лектын. Дмитрий Кокин военный корабль-влак классыште сеҥен. Антон Булатовын гражданский судно модельже финишыш кокымшо жап дене толын шуын. Сеҥыше-влакым Образований да шанче министерствын чап грамотшо да медаль дене палемденыт.

Добавить комментарий