Марий тукымым ешараш жап толын шуын

Таче кечылан Марий Элыште 326 йочасад шотлалтеш. Тушто верым ситарыме йодышлан кугу тӱткыш ойыралтеш. Тидлан верчын тений да 2013-2014 ийлаште чылаже 23 полатым чоҥат але улшыжым тӧрлат. Чумыр пашалан оксам республикысе адресан инвестиций программыште палемдыме. Кызыт йочасад-влакым уэмдыме паша У Торъял ден Советскийыште, Звенигово ден Медведево районлаште, Йошкар-Олаште да вес кундемлаштат шукталтеш. Рӱдолаштына «Восточный» микрорайонышто 320 йочалан ситыше у садикым чоҥаш тӱҥалыт.

Добавить комментарий