Суап паша

Шернур районышто ветеран да шоҥгыеҥ-влаклан кӱлеш полышым эреак пуэн шогат. Калыкым социально аралыме рӱдерыште 47 социальный пашаеҥ уло, нуно 244 еҥым ончаш полшат. Казанский селасе ветеран пӧртыштӧ 41 шоҥгыеҥ ила, пӧлемлаште 1-2 еҥ дене вераҥыныт. Тыштат 3 социальный пашаеҥ тырша. Сарын ветеранже ден тулык вате-влакын илыме верыштым саемдаш пытартыш ийлаште чылаже 112 сертификатым кучыктымо. Шернур районышто калыкым социально аралыме пӧлкам вуйлатыше Екатерина Таныгинан мутшо почеш, 106 сертификат дене пачерым налыныт, но 29 шоҥгыеҥже пачерыште шотлалтеш гынат, тошто пӧртыштыжак ила.

Добавить комментарий