Татар самырык тукым погынен

Таче, 1 февральыште, татар самырык тукым Йошкар-Олаште шке форумжым эртара. Тыгай кугу погынымаште рӱдолаштына ӱдыр-рвезе-влакым патриот шӱлышеш куштымо, нунылан профессийым ойырен налаш полышым пуымаш, пашаверым ситарымаш йодыш-влакым ончат. Тылеч посна Марий Элыште да Татарстаныште самырык предпринимательствым вияҥдымаш  йодышымат каҥашат. «Йыргешке ӱстел» годым мутланымашке ушнат тӱвыра да самырык тукым политик йодыш шотышто специалист-влак, кугу бизнесыште тыршыше да самырык предприниматель-влак, министерстве ден ведомство-влакын ӱшанъеҥышт. Татарстан гычат ятыр уна толын, нунын коклаште Тӱнямбал татар конгрессын еҥже-влак улыт.

Добавить комментарий