Кушто Эчук ден Саликаже?

Оршанке районысо ЗАГС пашаеҥ-влак эртыше ийым иктешленыт. Ӱмаште районысо калык 14 еҥлан шагалемын: 201 йоча шочын, 215-ын коленыт. Ӱдырамаш-влак шукырак ош тӱня дене чеверласеныт — шӱдӧ лун. Шочшыжо утларак лийыныт Кугунур ял шотан илемыште (17 еҥлан), Оршанкыште (кудытлан), Тошто Крешын да Каракше велне – икте гычлан. 2011 ийыште 91 мужыр ушнен, 72 еш шаланен. Эн шукынжо 25 гыч 39 ияш марте ойырлат, 50-59 ияш 7 пӧръеҥ да 4 ӱдырамаш посна илаш тӱҥалыныт. Шочшо эрге-влаклан утларакше Никита, Артём да Кирилл лӱмым пуэныт, ӱдыр-влаклан – Полина, Анастасия да Анна. Ача-ава-влак шуэн вашлиялтше лӱмымат кычал луктыт. Теве рвезе-влак Роланд, Артур, Владлен да Амир лийыныт, ӱдыра-влак коклаште улыт Аделина, Малика, Станислава, Эвелина да Яна.

Добавить комментарий