Мӧҥгыштат черланат

Кодшо арняште республик мучко 3 кундемыште 4 еҥ коля йӱштымужо чер дене черланен. Волжск районышто 2 еҥ шке суртпечыштак черым кучен, Килемар районышто ик еҥ сарай йымалне нӧрепыште коля-влакым шекланен шуктен, а Йошкар-Олаште илыше еҥ тылзе тӱҥалтыште Киров область Вӱрзым районыш унала миен улмаш. Эпидемиолог-влак пашам ыштыме годым арулыкым шекланаш йодыт.

Вирус инфекций дене черланыше-влакат шукемыт. Кодшо арняште 3130 еҥлан тыгай диагнозым шындыме. 3 гыч 6 ияш марте ньога-влак утларак черланаш тӱҥалыныт. Сандене йочасадлаште южо группыш кошташ чарыме. Мутлан, Волжскышто да Козьмодемьянскыште, Юрино районышто. Грипп эше уке.

Добавить комментарий