Шернур эмлымверыште электрон регистратур пашам ышта

Шернур рӱдӧ эмлымверыште кокымшо ий электрон регистратур пашам ышта. Тыгайже республикыште але икте гына. Саде компьютер программе ӱмаште Йошкар-Олаште эртыше «Российын 100 эн сай сатужо» конкурсышто сеҥен ыле. Тыште сайже пеш шуко. Мутлан, ынде Шернур районышто илыше кажне еҥ, эмлымверын электрон адресышкыже пурен, чыла гаяк специалист деке возалтын кертеш. Тыгодым тудо шке фамилийжым, лӱмжым, ачалӱмжым, могай ийыште шочмыжым, кунам толаш шонымыжым ончыкта. Палемдыме деч икмыняр жап ончыч поликлиникыш толын, регистратурышто талоным налешат, врач деке ошкылеш веле. Кужун вучен шинчымат огеш кӱл. Параньга, Марий Турек районла гычат тыгак возалтын кертыт.

Добавить комментарий