Тоя денат лӱяш лиеш!

Тоя денат лӱяш лиеш, марий калык арам огыл тыге ойла. Иктаж-могай ӱзгарым шот деч посна кучылтмо годым азапыш логалаш лиеш. Теве Звенигово олаште 73 да 77 ияш коча-кован кӱзӧ дене мыскарам ыштымышт ойгыш шуктен. 9 январьыште ӱдырамаш шке марийжым кӱзӧ дене пуйто лӱдыкташ шонен. Тудыжат модыш семын ушнен. Тыге кова пӧръеҥын мӱшкыржым шуралтен. Коча ондак сусыр изи гына манын шонен, вашкеполыш машинамат ӱжыкташ келшен огыл. Эмлымверыштат сайынак мутланен шинчен. Но операций годым пӧръеҥын ӱмыржӧ кӱрылтын. Кызыт Звенигово межрайонный пӧлкан следовательже-влак уголовный пашам тӱҥалыныт.

Добавить комментарий