«2012 ийын туныктышыжо» конкурс эртен

Пошкырт кундем гыч увертарат. Кодшо арняште Мишкан селаште «2012 ийын туныктышыжо» районысо конкурсын финал таҥасымашыже эртен. Конкурс кок ужаш гыч шоген, тушко 48 туныктышо ушнен ыле. Финалыште 7 туныктышым акленыт, нылытынже 1 № лицей гыч лийыныт. Туныктышо-влак визиткым ончыктеныт, мастер-классым эртареныт да лекцийым лудыныт. Жюри чыла финалистым ончен лектын да тыгай иктешлымашым ыштен: конкурсышто 1 № лицей гыч руш йылмым да литературым туныктышо Наталья Лутфуллина сеҥен. Наталья Викторовналан «2012 ийын туныктышыжо» лӱмым пуымо. Кокымшо да кумшо верым тиде лицей гычак тӱҥалтыш класслаште туныктышо Дилбар Валиева ден физкультурым туныктышо Лилия Красильникова налыныт.

Добавить комментарий