Районысо изоляторыште ятыр экшыкым муыныт

Жаплан эрык деч посна кодымо еҥ-влакын правашт кузе шукталтмым тергымаш дене «Человек и закон» регионысо мер организацийын еҥже-влак да У Торъял прокуратурын пашаеҥышт районысо изоляторыш миеныт. Тушто ятыр экшыкым муыныт. «Российыште чыла гаяк изоляторышто тыгай сӱрет, – ойлен «Человек и закон» организацийын сопредседательже Сергей Подузов. – Тиде амал денак Европысо суд мемнан эл шотышто посна пунчалым луктын. Тыге жаплан петырыме изоляторышто веле огыл, следствий изоляторыштат шинчыше-влаклан сайрак йӧным ыштышаш.

Добавить комментарий