Марий ял гычат каят

Марий Элысе яллаште калык шагалемеш. Тидыжым статистика рашемден. Толшо да кайыше-влакым ончалаш гын, сӱрет тыгайрак: тений 10 тылзыште 13721 еҥ вес вере илаш каен, 12414 толын. Утларакше ял гыч каят, тений 6687 еҥ вес кундемыш лупшалтын, тыгодым олаште да посёлкылаште 1140-лан ешаралтын. Районлаште шочмо пыжашым кудалтен кайыше-влакшым ончалына. Медведево кундем гыч 1546 еҥ каен, Провой кундем гыч – 1003, Морко гыч – 933, Советский район гыч 911 еҥ каен, Шернур гыч – 796.

Добавить комментарий