Ялысе-влакат сеҥат

Республикысе школлаште «Эн сай серыш урок» конкурсышто сеҥыше-влакым палемденыт. Россий почтын эртарыме конкурсыш 140 утла паша пурен ыле, нунын коклаште 10 сеҥышылан пӧлекым кучыктымо. Тидыже куандара – шымытын ялысе школлаште тунемыт.

Кушто вара эн сай серышым возат? Тиде – У Торъял район Какшанмучаште, Куженер район Коҥганурышто, Марий Тӱрек район Сысоевыште, Волжский район Сотнурышто да Параньга район Кугу Пумарий школлаште. А Волжский район Приволжский школышто иканаште кок тунемшым палемдыме. Диплом деч посна чылаштлан пӧлек шотеш флешкым, фотоальбомым да серышым колташ икымше классан конвертым пуымо. Лишыл жапыште почто пашаеҥ-влак уэш тыгай конкурсым тӱҥалыт. Йоча-влак деч посна тушко туныктышо-влак, тыгак педагог лияш ямдылалтше студент-влак ушнен кертыт. Нунын деч руш йылме урокым эртарыме шотышто методике пашам вучат.

Добавить комментарий