Ялысе библиотекарь-влак сеҥеныт

Куженер районышто библитекарь-влак пашам саемден колташ манын, чӱчкыдын погынат, ваш-ваш паша опыт дене палдарат. Шукерте огыл эртыше семинарыште нунылан библиографын пашаж нерген ойленыт, тӱрлӧ мутер, полшык, энциклопедий дене пашам кузе писын ышташ туныктеныт, Интернет дене пайдаланыме нергенат мут лектын. Вара модыш сынан конкурс лийын. Ялыште пашам ыштыше-влак районысо библиотекын специалистше-влак дене таҥасеныт. Команде-влак экзаменыште гай билетысе йодыш-влаклан вашмутым кычалыныт. Жюри сеҥышылан ялысе библиотекарь-влакын командыштым шотлен, нунылан пӧлекым пуымо.

Добавить комментарий