Ача-аван пашам ышташ жапышт лиеш

Куженер районышто 1 октябрьлан шым ияш марте 175 ньога йочасадыш каяш черетыште шоген. Тышечын эн шукынжо – идалыкат пелаш марте, 142 йоча. Идалыкат пеле гыч 3 ий марте – 26 ӱдыр-рвезе, 3 гыч 5 ияш марте – 4 йоча, 5 гыч 7 ияш марте – кумыт. Тений сӱрет изишак вашталтеш. Теве шукерте огыл Ӱштымбал йочасадыште ешартыш группым почыныт, тушко 20 йочам конденыт.

* * *

Марий Турек район, Арбор тӱҥ школ пеленат изи ньога-влаклан посна группым почыныт. Идалыкат пеле гыч 3 ияш марте 15 ӱдыр-рвезе тыште йочасадыште семын 9 шагатым эртара.

Добавить комментарий