Ӱшан уло

Куженер районышто калык дене вашлиймаш годым министерство вуйлатыше-влак мыняр-гынат сай уверым ойленыт. Шушаш ийлаште тыште ятыр ялыш пӱртӱс газ толын шуэш. 2012 ийыште Топкавлак кундемысе Пӱнчерйымал гыч Йывансола марте 5800 метр кужытан кугу куатан газпучым пыштат. Ял озанлык министерствын пуымо уверже почеш, «2013 ий марте ялым социально вияҥдымаш» программе дене тыгай яллашке газпучым шукташ окса лиеш: Купсола, Ӱлыл Регеж да Кораксола. Чыла пашам 2013 ийыште мучашлат. Вара пашам тӱҥалыт Памашнур ден Шорсолаште, Рушплак ден Коклаялаште, Шӱдымарий ден Тошто Йӱледӱрыштӧ,Пургак ден Йырмарийыште, Руш Кугунур ден Агытансолаште, тыгак Чодраялыштат. Чылаже 29 километрат 800 метр газпучым шупшыт.

Добавить комментарий