Ушкалжым, конешне, ашнат…

Куженер район, Чодыраял гыч предприниматель Геннадий Петров калык деч шӧрым индеш ий пога. Зинаида пелашыже ден коктын Шӱдымарий, Йӱледӱр да Ӱштымбал кундемлаште 10 ялыш кудалыштыт, чылаже 170 наре суртыш миен шуыт. Ик тылзыште кокла шот дене 60 тонным погат. Кызыт ик литр шӧрлан 12 теҥгем тӱлат.

* * *

Советский район, Тапшер велнат кызыт тӱшка озанлык уке, сандене еҥ-влак шке вийлан гына ӱшанат. Теве вате-марий Светлана ден Геннадий Пауткинмыт кызыт 7 ушкалым ашнат. Тылеч посна 50 наре чыве, сӧсна уло. Кеҥежым кажне ушкал деч ик кечыште 25 литрым лӱштеныт, ик гана лийше-влак деч – латвизытым. Шӧрым погышо-влак 8 теҥгеат 50 ырым веле пуат, сандене шӧр-торыкым озавате Советский посёлкыш ужалаш коштеш.

Республик мучко нунын гай кок але утларак ушкалым ончышо-влак шукын улыт. Чыланат ӱмашсе гай кугыжаныш полышлан ӱшанат. Чаманен каласаш логалеш, тений тыгай полышыжо огеш лий. Ял озанлык министерствыште кугыжаныш полыш пӧлкам вуйлатыше Валентина Ушакован мутшо почеш, кызыт правительство кӱкшытыштӧ полышым пуымо шотышто йодышым решатлат. 2012 ийыште ик ушкалым ончышо-влакланат оксам тӱлаш шонат.

Добавить комментарий