«Марий Эл Радио» финн мультфильмым марий йылмыш кусара

Эре жап ок сите гынат, «Марий Эл Радион», витне, пӱрымашыже тыгай… Паша деч посна ала-мом эре ыштыман. Тыгак лекте Озаҥ ӱдырын редакцийыш йыҥгыртымыж почеш. Тудо, Ольга Федорович, ик финн мультфильмым марий йылмыш кусараш темлыш. Йӧсӧ мо мультфильмым кусараш? Радио пашаеҥ-влак келшышт.

Ольга Веденькина финн гыч марий йылмыш текстым кусарыш. Алевтина Кузнецова редактурым ыштен пуыш. Наташа Пушкина йӱкым пыштыме пашам вуйлатыш.

«Joulupukki ja noitarumpu» мультфильмын (марла — «Йӱштӧ Кугыза да юзо тӱмыр») кужытшо 51 минут. Тудын озаже, «YLE» финн телерадиокомпаний, «Марий Эл Радио» дене 10 ийлан ойпидышым ыштен. Ынде тиде мультфильмым марий йоча-влак ончен кертыт, «Марий Эл ТВ» тудым ончыкташ кӧнен.

Кызыт паша эше мучашлалтын огыл гынат, икмыняр ужашым ончаш темлена:





Добавить комментарий