2011 ий Россий космонавтикын идалыкше

Элнан президентше Дмитрий Медведевын указше дене 2011 ийым Россий космонавтикын идалыкше семын увертарыме. Вет тений 12 апрельыште Юрий Гагаринын Сандалыкыш чоҥештымыжлан пел курым темеш. Тиде кече вашеш Чавайн лӱмеш национальный библиотеке «Космические автографы» викториным эртара да чыла кумылан-влакым ушнаш ӱжеш. Технический литератур пӧлкаште вераҥдыме книгалаште викторинын йодышыжлан вашмутым муаш лиеш. Книгагудышто вашмутым 10 апрель марте вучат. Сеҥыше-влакым Космонавт кечылан пӧлеклалтше пайрем годым саламлаш тӱҥалыт.

Валерий Очеев

Добавить комментарий