Эн сайжым кычалаш тӱҥалыт

13 октябрьыште Йошкар-Олаште «Идалыкын тунемшыже» конкурс тӱҥалеш. Тудо 20 декабрь марте шуйна. Конкурсышто 9, 10 да 11-ше класслаште тунемше-влак шке вийыштым тергат, но ик школ гыч ик еҥ дене гына. Таҥасымаш кок ужаш гыч шога: заочный тур годым ик арня жапыште жюри конкурс материал дене палыме лиеш да финалыш лекше-влакым палемда. Очный турышто конкурсант-влак кум тергымашым эртат: шкеныштым оратор семын ончыктат, тылеч посна 21-ше курымысо школ да тунемше нерген шонымашышт дене палдарат, школ да еш кокласе кылым аклат. Сеҥыше ден призёр-влаклан диплом ден шергакан пӧлекым ямдылыме.

Добавить комментарий