Кусарышын пашаштыже увер технологий йӧн

Марий кугыжаныш университетын тӱнямбал кыл факультетыштыже «Кусарышын пашаштыже увер технологий йӧн» теме дене шанче-практик семинар эртен. Тушто Марий Элысе да Йошкар-Оласе школлаште туныктышо, вузышто йот йылмым вӱдышӧ, тыгак «Кусарымаш да кусарыме наука» специальность дене 4-5 курслаште тунемше-влак шке шинчымашыштым нӧлтеныт. Йот йылме-влак кафедрын преподавательышт Наталья Вахранёва ден Светлана Яковлева погынышо-влаклан Интернетыште кӱлеш уверым кычалме да тудын ресурсшо дене пайдалыныме шотышто презентацийым темленыт, тӱҥ компьютер программа-влак дене палдареныт. Менеджмент магистр Марина Фролова Omega T+ программым кучылтмо методикым пашаште ончыктен. Семинарын чыла участникшылан сертификатым кучыктымо.

Валерий Очеев

Добавить комментарий