Тулык йоча-влак пачерым вучат

Ийготыш шудымо-влакын пашашт да нунын праваштым аралыме комиссийын заседанийже лийын. Тушто тулык да ача-аван эскерымышт деч посна кодшо йоча-влакын праваштым аралыме шотышто кугыжаныш гарантийым кузе шуктымым ончен лекме. Могай паша ышталтме нерген образований министр Галина Швецова ден Калыкым социально аралыме да паша министерствыште пӧлка начальник Юлия Скулкина ойленыт. Республикыште кызыт 2788 тулык йоча уло, нуно 10 тӱрлӧ учрежденийыште илат да тунемыт. Пытартыш жапыште приёмный да опекун ешлашке 1361 йочам ончаш пуымо. Тыге 2 интернат школым да йочапӧртым петырыме але вес системыш пуымо. Но ыштышаш пашажат шуко уло. Илыме верым налаш черетыште 717 еҥ шога. Шукын улыт Волжск олаште да районышто, Звенигово, Килемар, Марий Турек, Советский да Юрино районлаште.

Добавить комментарий