Шоҥгыеҥ-влакым куандареныт

Памар селаште верланыше Волжский районысо тӱвыра пӧртыштӧ шоҥгыеҥ-влакын кечыштлан пӧлеклалтше кас лийын. Тушко тӱвыра пашан ветеранже-влакым ӱжыныт. Нуным тӱвыра пӧлкам вуйлатыше Любовь Казакова пайрем дене саламлен. Уна-влакым куандареныт «Лада» вокальный ансамбль, тӱвыра пӧлкан ансамбльже, тыгак Елена Актуганова ден Татьяна Иванова. Вара ветеран-влаклан «Эн ушан пенсионер» модышым эртареныт. Сеҥыше-влаклан шарнаш кодшо пӧлекым кучыктымо. Мучашлан чыланат муралтен-кушталтеныт.

Добавить комментарий