МарКУ-н студентше-влакым марий википедий дене пашам ышташ туныктат

3 октябрьыште Марий кугыжаныш университетыште википедий интернет эницклопедий дене студент-влаклан туныктымо курс тӱҥалын.

Консультацийым Финноугроведений институтын 2 курсышто тунемше студент-влаклан пуат. Курсым Марий Эл Радион самырык вӱдышӧ Университетын кумшо курсышто тунемше студент Игорь Таныгин эртара.

Шкеже тудо Шернур район гыч, марий йылмым сайын пала.

Кызытсе жапыште студент-влак энциклопедий дене пашам ышташ тунемыт. Регистрацийым эртымеке, студент-влак википедийыште тӧрлатымаш-влакым ышташ тунемыт. Шошылан кажне студент википедий элктрон энциклопедийыш коло статьям возышаш. Занятий-влак кажне шочмын 13.30 гыч тӱҥалын 15 шагат марте «Г» корпусышто (207 пӧлем) эртаралтыт.

Андрей Чемышев

Добавить комментарий