Самырык специалист-влак толыныт

Советский районысо рӱдӧ эмлымверыште август гыч кок у специалист пашам ышташ тӱҥалын. Отоларинголог Оксана Фоминых шкеже Медведево район гыч, Кировысо кугыжаныш медицинский институт деч вара ик ийым тиде олаштак пашам ыштен. Вес самырык специалист – невролог Екатерина Любимова. Тудо Кужеҥер район гыч, Самара оласе кугыжаныш медицинский университетыште дипломым налмек, вигак тышке толын. Тыште нунылан чыла йӧным ыштат, илашышт служебный пачерым пуэныт.

Добавить комментарий