Арулыкым от эскере — штраф

Килемар районышто административный комиссий шке пашажым вияҥден толеш. Тидын нергенак район администрацийын коллегийыштыже ойлымо. Шукырак пашам ыштымым цифр-влакат ончыктат – 2010 ийыште 30 административный пашам ончымо, а тений 9 тылзе жапыште гына – 32-ым. Шуко экшыкым муыныт Килемар посёлкышто, тыште 15 протоколым возеныт. Район мучко эн шуко протоколжо илыме верым тӱзатыме дене кылдалтын, тений 19 тыгай документым возеныт, чылаже 8800 теҥге штрафым тӱлаш ыштеныт.

Добавить комментарий