Ӱдырамаш ушем полша

У Торъял районышто 51 ешыште 65 тулык йочам ончат. Тыгак улыт шуко шочшан еш, инвалид йочам ончышо, тӱрлӧ нелылыкыш логалше еш-влак. Тушто чылаже 102 йоча ила.

Нунын дене районысо ӱдырамаш-влак ушем кугу пашам ышта. Сентябрьыште ушемын еҥже-влак Тошто Торъялыш погыненыт ыле. Тыште опекун да приёмный 6 еш уло. Районышто тыгай еш-влак дене могай пашам шуктымо шотышто Комплексный рӱдер вуйлатыше Галина Звягинцева ойлен. Галина Юрьевна эше ик йодышым тарватен. Кызыт ача-ава-влак, пашам кычалын, ӧрдыж кундемыш лектын каят, а йочашт коча-кова дене пырля, я шкет кодыт.

Сай пример-влакат улыт. Теве тиде кечын ӱдырамаш-влак ушем лу ий деч шукырак пырля илыше вате-марийым шокшын саламлен да пӧлекым ыштен. Шуко шочшан, опекун да приёмный еш-влакланат пӧлекым пуымо.

Добавить комментарий