Тӱнямбал кыл шочын

Медведево гимназийын туныктышыжо-влак Лилия Сазонова ден Ольга Задворных шке профессиональный пайремыштым сай кумыл дене вашлийыт. Вет нуно ынде кокымшо ий почела «Окно в мир» тӱнямбал проект почеш пашам ыштат. Чылажат 2010 ийыште тӱҥалын. Тунам туныктышо-влак «Вокруг меня гудит ХХ век» конкурсышто вийыштым тергеныт. Ярославль олаште эртыше конкурсышто I-ше степенян диплом дене палемдалтыныт. «Самая классная школа» конкурс деч вара нуно тӱнямбал йоча радио дене кылым ыштеныт. Тиде радио тӱнямбалне 105 элым ушен шога. Кызыт Медведево йоча-влак Интернет кыл полшымо дене тылзылан ик гана вес элласе иктаҥашышт-влак дене англичанла мутланат, шкешт нерген каласкалат. Кызыт марте Болгарий, Сенегал, Уганда, Иорданий, США-се Иллинойс да Кентукки штат гыч ӱдыр-рвезе-влак дене мутланеныт.

Добавить комментарий