Марий Эл республикын вияҥмыжым ончен лекме

Марий Эл правительствыште республикын тений 2 тылзе жапыште вияҥмыжым ончен лекме. Маристатын уверже почеш, ял озанлык сатум ыштыше предприятий-влак ӱмашсе тыгаяк жап дене таҥастарымаште паша кугытым иземденыт. Ик ушкал деч кокла шот дене 694 кг шӧрым шупшылмо. Тыгодым тӱкан шолдыра вольык кӱтӱ 6,5% иземын, а сӧсна, мӧҥгешла, ешаралтын.

Экономикым да социальный сферым вияҥдаш кугу организаций-влак, изи да кокла предприятий деч посна, тӱҥ капиталыш 749 млн. 700 тӱжем теҥге инвестицийым пыштеныт.

Беларусьыш да Казахстаныш 2 тылзыште 50 млн. 700 тӱжем доллар акаш сатум колтымо. Кок тылзыште кокла пашадар 12246 теҥге лийын.

Валерий Очеев

Добавить комментарий