Ончылно — Кужеҥер турист-влак

Кужеҥер районышто туризм да шочмо верым шымлыме паша вияҥын толеш. Кодшо тунемме ийыште тиде кок направлений дене школлаште 22 кружок пашам ыштен. Нуным тӱҥ шотышто историйым да географийым туныктышо-влак вӱдат. А чыла пашам районысо Йоча усталык рӱдер виктара. Лектышыжат куандарыше. Теве шым ӱдыр-рвезе спорт туризм дене спорт мастерыш кандидат нормым теменыт, икмыняр йоча республикын сборныйыштыжат шке мастарлыкшым ончыкта.

Добавить комментарий