Йочасадыште вер ешаралтеш

У Торъял районыштат ешартыш дошкольный учреждений-влак почылтыт. Теве Чӱксола велне тений май марте тӱҥалтыш школ ден йочасад пырля пашам ыштеныт. Школ пеленсе ик группыш улыжат 15 йоча коштын. Кызыт тӱҥалтыш школым вес вере кусареныт, а олмешыже 19-ше номеран «Ягодка» йочасад почылтын. Ынде тыште эше кок группым погаш тӱҥалыт, чылаже 25 йочам вучат. «Икымше май» колхозын полшымыж дене олмыктымо пашам шуктымо, у йочасадым 10 октябрьыште почаш палемдыме. Тиде колхозак Тушнур ялыштат йочасадым олмыкташ шуко ыштен. 17-ше номеран «Колосок» садикат октябрьыштак шке омсажым почеш.

Добавить комментарий