Кадет-влак куандарат

Козьмодемьянск оласе 1-ше номеран школын кадетше-влак сентябрьыште Белоруссийыш, «Зубрёнок» йоча рӱдерыш миен коштыныт. Тушто иза-шольо кок эл гыч чылаже 26 команде погынен. Тиде сменын программыже пеш поян ыле. Ондак Марий Эл гыч йоча-влак республике, Козьмодемьянск ола нерген ойленыт, марий калыкын мастарлыкшым ончыктеныт. Нунын презентацийышт эн сай лийын. Вара кадет-влак строй дене мурен коштыныт, военно-спортивный эстафетыште вийыштым тергеныт. Козьмодемьянск гыч ӱдыр-рвезе-влак икмыняр номинацийыште сеҥеныт да наградым конденыт.

Добавить комментарий