Уржа-сорлам мучашлат

Ял озанлык министерствыште эртыше погынымашыште 2011 ийысе шуктымо паша нерген ойленыт. Тӱҥ шотышто уржа-сорла йодышым тарватеныт. Таче кечылан республик мучко ныл районышто тӱжем утларак гектарыште пырчым поген налаш кодын, тӱҥ шотышто Марий Турек районышто. Ӱмашсе дене таҥастараш гын, лектыш кум пачаш шукырак. Республик мучко шурно тений ужалашат, фуражланат сита. 80 тӱжем тонным ужалаш ямдылыме. Но ситыдымашат уло. Озанлыклаште шурным пуалтарыме да коштымо вер шагал. Техникым уэмдыме йодышат пӱсын шога. 2012-шо ий гыч ялозанлык технике шотышто утилизаций программе илышыш пура. Тидлан кугыжаныш 3 миллиардат 500 млн. тенге оксам ойыра. Министр Александр Егошинын мутшо почеш, тиде программе кӱшеш республкылан 100 наре у техникым налашак кӱлеш.

Добавить комментарий