Ушан еҥ оксам ышта

Шернур районышто «Самозанятость» программе 2009 ий гычак пашам ышта. Таче марте тушко 100 утла еҥ ушнен. Тений гына 40 еҥ кугыжаныш деч окса полышым налын, лишыл жапыште эше визытлан пуат. Амалкалче-влак ончыч ял озанлыкым ойыреныт гын, кызыт тӱҥ верым тӱрлӧ услугым пуымаш налеш. Теве Полдыран ялыште Аклинмыт еш да Александр Воронов ваш келшен пашам ыштат. Тыге шке производствым вияҥдат. Нуно кермзит-бетон блокым да колчам ыштат, компаньон улыт. Ик кечыште 20 утла колчам да 100 утла блокым ямдылат.

Добавить комментарий