«У илыш» лӱмжым сула

Советский районышто «У илыш» озанлык йолӱмбалне пеҥгыдын шога. Тиде чылажат вуйлатышын, председатель Иван Николаевич Барановын, тыршымыж дене. Тыште мланде пашам жапыштыже шуктат. Теният уржа-сорлам кум арня жапыште мучашленыт.

Лектышат куандарен, кокла лектыш 21 центнерыш шуын, уржам гын ик гектар гыч 24,9 центнерым погымо. Вольык ончаш кургымат ситышын ямдыленыт. А вольык кӱтӱжӧ тыште изижак огыл, чылаже 1400 наре вуйым шотлат. Лӱштымӧ ушкалже – 410 вуй.  Тыште калыклан манын чылажат ышталтеш. Пашадарымат тылзылан кок гана пуат, нигӧн ончылнат парымышт уке. Июль тылзыште чыла пашадар 1 млн. теҥгеш шуын, августышто миллионат 400 тӱжемым тӱленыт.

Добавить комментарий