Турист корнышто

Юниор ден самырык-влак коклаште спорт туризм дене Марий Элын открытый первенствыже лийын. Таҥасымашке Марий Турек, Курыкмарий, Кужеҥер, Шернур да Советский районла гыч команде-влак толыныт ыле, тыгак Семёновский школын, Йошкар-Ола гыч «Азимут» да «Роза ветров» рӱдер-влакын ӱдыр-рвезышт лийыныт.

Йолын коштмо корнышто юниор-влак коклаште Марий Турек район гыч Никита Екимов ден Сергей Кочергин чылаштым ончылтеныт, Йошкар-Ола гыч Михаил Яранцев – кумшо верыште. Ӱдыр-влак коклаште Йошкар-Ола гыч Анна Сельдимирова сеҥен, 2 да 3 верым Кужеҥер район гыч Алёна Волкова ден Кристина Михайлова налыныт. Таҥасымаш жапыштак спорт туризм фестиваль эртен.

1 да 2 октябрьыште Пембе посёлко воктенак спорт туризм дене Марий Элын да Юл кундем федеральный округын чемпионатше лийыт. Мемнан деке Самара ден Ульяновск областьла, Чуваший ден Татарстан гыч команде-влак толшаш улыт.

Добавить комментарий